fayth only / out of which fayth loue springeth / by which loue I power out agayne vppon my neyboure that goodnesse wych I haue receaued of God by fayth. Here of ye se that I can not be iustified wyth out repentaunce and yet repentaunce iustyfieth me not. And here of ye se that I can not haue a faith to be iustified and saued / excepte loue springe therof immediatly / and yet loue iustifieth me not before God. For my naturall loue to god agayne doeth not make me first se and fele the kyndnesse of God in christ / but fayth thorow preachinge. For we loue not God first / to compel him to loue agayne: but he loued vs first and gaue hys sonne for vs / that we might se loue and loue agayne / sayth sent Ihon in hys first epistle . Whych loue of God to vs warde we receaue by Christ thorow fayth saith Paule. And thys ensample haue I sett out for them in dyuers places / but their blinde popysh eyes haue no power too se it / couetousnesse hath so blinded them. And when we saye fayth only iustifyeth vs / that ys to saye / receaueth the mercye wherewyth God iustifyeth vs and forgeueth vs / we meane not fayth whych hath noo repentaunce and fayth whych hath no loue vn to the lawes off God agayne and vn to good werkes / as wyked ypocrytes falsly belie vs.

For how then shulde we sofre as we doo all mysery / too call the blynde and ygnoraunte vn to repentaunce and good werkes / whych now doo but consent vn to all euell and studye mischeue all daye longe / for al theyr preachynge their iustifyenge of good workes. Let Master Moore ymproue thys wyth hys sophystrye and sett forth hys awne doctryne that we maye